ПЕКИНГ – Кина е принудена да се одмазди против САД во нивниот трговски спор, а американските извозници, меѓу кои и добавувачите на течен природен гас, сигурно ќе бидат повредени, рече кинескиот заменик министер за трговија, Ванг Шувен.
Но, одмаздата на Пекинг ќе обезбеди можности за други земји-извозници на ЛНГ, рече Ванг на прес-конференцијата во вторникот, додавајќи дека Австралија е важен извор на горивото за Кина.
Соединетите Американски Држави и Кина во понеделникот воведоа нови тарифи за меѓусебните стоки, бидејќи двете најголеми економии во светот не покажаа знаци дека ќе се повлечат од сé потешкиот трговски спор што се очекува да го погоди глобалниот економски раст.
Пекинг рече дека е подготвен повторно да ги започне трговските преговори со Вашингтон, ако разговорите се “засноваат на взаемно почитување и еднаквост”, според бел документ за спорот објавен од Државниот кабинет, во понеделникот.
Соединетите Држави се залагаат да добијат повеќе од кинеско-американската трговија, рече кинескиот претставник за меѓународна трговија, Фу Зиинг, на истата прес-конференција.
Додека Кина има трговски суфицит со САД, Кина има и други алтернативи и добавувачи, рече Фу, кој исто така е заменик-министер за трговија.