Хелсинки ( Ројтерс ) – Проектот за подводен во железничкиот тунел за поврзување на Хелсинки со главниот град на Естонија Талин привлече 100 милиони евра финансиска помош од градежната компанија “ARJ Holding” со седиште во Дубаи, објави компанијата во понеделникот.
Најдолгиот подморскиот железнички тунел во светот меѓу Финска и Естонија би можел да чини до 20 милијарди евра и допрва треба да обезбеди поддршка од двете влади и Европската унија.
Тоа не го спречи проектот “FinEst Bay Area”, предводен од Петар Вестербачка, поранешен извршен директор на компанијата “Робио” , креатор на играта Angry Birds, од почетокот на планирањето и еколошките студии за проектот да бара финансирање од целиот свет.
“Првото надворешно финансирање е значаен чекор за целиот проект … Областа Хелсинки-Талин во иднина ќе биде една од најбрзорастечките метрополи во Европа”, рече Вестербачка на прес-конференцијата.
Финска и Естонија со години планираат да ги поврзат нивните главни градови, кои се поделени од Финскиот залив.
Студијата за изводливост нарачана од двете влади и објавена минатата година соопшти дека планираниот тунел од 100 километри (60 милји) би можел да се отвори во 2040 година, но Вестербачка рече дека тунелот ќе биде изграден до 2024 година.
“Тоа е планот и нема причина да веруваме поинаку”, рече тој.
Десетици илјади Естонци работат во областа Хелсинки, патувајќи по морски пат, додека Талин е популарна туристичка дестинација за Финците. Тунелот ќе го намали времето на патување на околу 20 минути од 2-часовното возење на брз траект сега.