ПЕКИНИГ / ВАШИНГТОН (Ројтерс) – Кина во петокот вети дека ќе се бори против ненадејната одлука на американскиот претседател Доналд Трамп за ставање на 10% дополнителни царини за преостанатите 300 милијарди американски увоз, што претставуваше акција со која се прекина едномесечното трговско примирје.

Новиот кинески амбасадор во Обединетите нации, Хуанг Јун, рече дека Пекинг ќе преземе „неопходни контрамерки“ за да ги заштити своите права и тажно го опиша потегот на Трамп како „ирационален, неодговорен чин“.

„Позицијата на Кина е многу јасна дека ако САД сакаат да разговараат, тогаш ќе разговараме, ако тие сакаат да се борат, тогаш ќе се бориме“, им рече Хуанг на новинарите во Њу јорк, исто така, сигнализирајќи дека трговските тензии може да му наштетат на соработката меѓу државите за справување со Северна Кореја.

Трамп ги воодушеви финансиските пазари во четвртокот велејќи дека планира да ги наплати дополнителните давачки почнувајќи од 1 септември, означувајќи ненадеен крај на примирјето во едногодишната трговска војна меѓу двете најголеми економии во светот што го забави глобалниот раст и ги наруши синџирите на снабдување.

Акциите во САД паднаа нагло за втор последователен ден во петокот по објавувањето на новите царини на Трамп. Приносите на американскиот и германскиот долг паднаа на повеќегодишен минимум, во услови на “евакуација“ на средствта во “безбеден рај“.

Претходно во петокот, портпаролката на кинеското Министерство за надворешни работи Хуа Чунинг изјави дека Кина се држи цврсто на својата позиција во 13-месечната тарифна војна со Соединетите држави.

„Ние нема да прифатиме максимален притисок, заплашување или уцена“, рече Хуа на брифингот за вести во Пекинг.

„На главните теми од принцип нема да попуштиме ни сантиметар“, рече таа, додавајќи дека Кина се надева оти Соединетите држави ќе се „откажат од своите илузии“ и ќе се вратат на преговорите засновани врз заемно почитување и еднаквост.

Одмазднички мерки од страна на Кина би можеле да вклучуваат царини, забрана за увоз на ретки метали и минерали кои се користат во сè, од воена опрема до потрошувачка електроника и казни против американски компании во Кина, според аналитичарите.

Трамп, исто така, се закани дека дополнително ќе ги зголеми царините ако кинескиот претседател Кси Џинпинг не успее побрзо да издејствува за да се постигне трговски договор.

Царините од 10%, кои Трамп ги објави во серијалот објавувања на Твитер, откако неговите врвни трговски преговарачи го информираа за недостаток на напредок во разговорите во Шангај оваа недела, ќе ги зголемат тарифите за скоро сите кинески производи што ги увезува САД.

Влијание на потрошувачот

Економскиот советник на Белата куќа, Лери Кудлоу, во петокот им рече на новинарите дека влијанието врз потрошувачите од најновите давачки ќе биде минимално, и покрај фактот дека целниот список од 300 милијарди американски долари е скоро за сите производи за широка потрошувачка, од мобилни телефони и лаптоп компјутери до играчки и обувки.

„Претседателот не е задоволен од напредокот во трговскиот договор“, рече Кудлоу за бизнис мрежата Фокс.

Apple Inc падна за повеќе од 2% по сличен пад во четвртокот на загриженоста за тарифите на нејзините основни производи. Аналитичарите на Bank of America Merrill Lynch во петокот соопштија дека царините би можеле да ја намалат заработката на технолошкиот гигант за 50 до 75 центи по акција, со најголем дел од тоа од се поради царините за iPhone.

Досега, Пекинг се воздржа од зголемување на царините на американската сурова нафта и големите авиони, откако кумулативно наметна дополнителни одмазднички царини од 25% на околу 110 милијарди американски долари од САД, од кога започна во трговската војна минатата година.

Кина исто така подготвува список на „несигурни субјекти“ – странски фирми кои им наштетија на кинеските интереси. Американскиот гигант за испорака Федекс е под истрага од Кина.

„Кина ќе ја испорача секоја одмазда методично и намерно, една по една“, напиша економистот на ИНГ Ирис Панг во белешката.

„Веруваме дека стратегијата на Кина во оваа ескалација на трговската војна ќе биде да го забави темпото на преговарање и одмазда од типот тет-а-тет. Ова би можело да го продолжи процесот на одмазда до претстојните претседателски избори во САД“ во ноември 2020 година, рече Панг.

Царините исто така може да ги принудат Соединетите американски сојузни резерви повторно да ги намалат каматните стапки за да ја заштитат американската економија од ризици од трговска политика, велат експертите.

Банката на федерални резерви доби уште еден можен сигнал за намалување на втората рефернетна камата следниот месец по податоците за работни места во САД во јули во петокот, што покажа забавување на вработувањето и помалку часови за производителите.

Но, новите податоци исто така покажаа дека американскиот трговски дефицит потона за 0,3 проценти во јуни на 55,2 милијарди американски долари како знак дека тарифните политики на Трамп ги ограничуваат трговските текови. Трговскиот дефицит на стоки со Кина се намали на 0,8% т.е. 30 милијарди долари при што кинескиот увоз падна за 0,7% и американскиот извоз во Кина остана непроменет.

Американскиот трговски претставник Роберт Лејтхајзер и секретарот за финансии Стивен Мнучин го информираа Трамп претходно оваа недела на нивната прва средба лице-в-лице со кинеските власти откако Трамп се сретна со Кси на самитот на Г20 на крајот на јуни и се согласија за прекин на огнот во трговската војна.

Претходните преговори пропаднаа во мај, кога американските власти ја обвинија Кина дека се повлекува од претходните обврски.

 

Забрането превземање на содржината без претходно одобрение од редакцијата на БанкоМетар.мк