Меѓународниот монетарен фонд (ММФ) ја предупреди Хрватска дека треба да го реформира јавниот сектор, односно системот на плати, и да инвестира повеќе во инфраструктурата, вклучително и дигиталните услуги.
„Ние мора да го сториме тоа за да избегнеме ескалација на јавниот долг“, изјавија од ММФ по годишната посета на Хрватска за да ја проверат ситуацијата.
Премиерот Андреј Пленковиќ тврди дека извештајот на ММФ е позитивен.
„За разлика од претходните влади, ние немаме економски раст заснован на заем од идните генерации, туку тој се темели на здрав раст. Тоа значи намалување на долгот на претходните влади, и тоа намалување не само на дефицитот туку влегување во балансиран буџет и правење вишок“, рече тој.
ММФ е експлицитен дека во наредниот период Хрватска мора да одговори на важниот предизвик за успешно продлабочување на нејзината интеграција во Европа, меѓу другото, и воведување на еврото во период на брзи технолошки промени.