Аналитичарите на Блумберг објавија уште еден преглед на состојбата на пазарот на криптовалути. Неодамнешна студија откри дека биткоинот може да го повтори сценариото забележано од 2016 до 2020 година во следните четири години, пренесува порталот SEEbiz.

Експертите забележаа дека во последните четири години, првата криптовалута се зголеми за 1.000 до 10.000 долари. Доколку овој тренд се повтори, цената на биткоинот може да достигне 100 000 американски долари до крајот на 2025 година, се вели во извештајот.

Аналитичарите посочија дека долгорочниот раст на вредноста на биткоинот беше воден од основните фактори на понуда и побарувачка.

До денес, 90 проценти – од последните 21 милиони – биткоини се на пазарот. Сепак, ограничената количина е еден од најважните фактори во растот на вредностите на криптовалутата.

Со оглед на фактот дека побарувачката за овој инструмент од страна на институционалните инвеститори расте, можно е да се предвиди дека динамиката на биткоинот ќе продолжи и во наредните години, се наведува во извештајот.

Биткоинот оваа година би можел да се искачи на 14.000 УСД, предвидуваат аналитичарите, што значи дека предметната криптовалута има шанса да го повтори растот од минатиот јуни.

Еден од стратезите на Блумберг, Мајк МекГлоун, ова лето објави дека цената на биткоинот на пазарот може да достигне 20 000 УСД до крајот на декември оваа година, поради зголемената активност на Биткоин Паричникот и амортизацијата на фиат парите.

Џек Дорси, ко-основач и извршен директор на Твитер и основач на американската компанија за плаќање Сквер, оваа недела купи околу 4.709 биткоини, за што плати 50 милиони долари. Кога веста беше објавена во четвртокот, Сквер рече дека тој верува дека биткоинот е „инструмент за економско зајакнување што овозможува учество во глобален монетарен систем што е во согласност со целта на фирмата“. Инвестицијата претставува околу 1 процент од вкупните пазарни средства.

Биткоинот расте стабилно оваа година – во согласност со трендот и во моментов тргува на добро познатата крипто берза Bitstamp по цена од 10.881 американски долари.

 

Забрането превземање на содржината без претходно одобрение од редакцијата на БанкоМетар.мк