Меѓународниот монетарен фонд во извештајот во петокот рече дека кинеската економија продолжува брзо да се опоравува од шокот на КОВИД-19 и додаде дека очекува БДП-то на земјата да скокне за 7,9% во 2021 година. Ова е нешто под октомвриската прогноза за ММФ за раст од 8,2 проценти, објави БНР.
Според извештајот, закрепнувањето е поддржано од макроекономската и фискалната политика на Пекинг.
„Кинеската влада обезбеди финансиско олеснување и фискална поддршка за да ги заштитат најпогодените компании, истовремено одржувајќи ја финансиската стабилност, вклучително и со обезбедување ликвидност на банкарскиот систем, проширување на можностите за кредити за помалите бизниси и воведување мораториум за отплата до првиот квартал од 2021 година “, се вели во извештајот на ММФ.
Фондот исто така очекува кинеската економија да порасне за 1,9% во 2020 година, но основната инфлација сè уште се очекува да остане слаба.