Најплатените ѕвезди на YouTube честопати се соочуваат со прашањето „Колку заработувате со ова?“

Списокот на најплатените YouTube ѕвезди на YouTube, објавен од „Форбс“, ни дава дел од одговорот на тоа прашање.

Трета година по ред момчето Рајан Каџи заработи најмногу на ЈуТјуб. Деветгодишното момче се стекна со слава презентирајќи нови играчки, а од јуни 2019 година до истиот месец во 2021 година заработи, според проценките на „Форбс“, скоро 30 милиони долари, пренесува Ал Џезира.

Денес, момчето има и низа свои играчки, ранчови, пасти за заби, кои минатата година беа продадени во онлајн продавници во вредност од 200 милиони долари. Тој исто така сними серија за Никелодеон, позната како „Мистеријата на Рајан“.

Меѓу првите 10 кои заработуваат најмногу, и создаваат видео содржини за деца, се шестгодишното девојче Настја (Анастасија Раџинска), како и забавувачот и едукатор Блипи.

Според тоа, на врвот на листата е Рајан Каџи со заработка од 29,5 милиони долари и 12,2 милијарди прегледи на ЈуТјуб, како и 41,7 милиони претплатници.

На второ место е Mr. Beast (Џими Доналдсон) со заработка од 24 милиони долари, три милијарди прегледи и 47,8 милиони претплатници.

Третото место му припаѓа на Dude Perfect со 23 милиони долари, 2,77 милијарди прегледи и 57,5 ​​милиони претплатници.

На четвртото место се Рет и Линк со заработени 20 милиони, 1,9 милијарди прегледи и 41,8 милиони претплатници.

Петтото место го зазема Markiplier (Марк Фишбах) со заработка од 19,5 милиони долари со 3,1 милијарди прегледи и 27,8 милиони претплатници.

Шесто место е Preston Arsment со 19 милиони долари приходи, 3,3 милијарди прегледи и 33,4 милиони претплатници.

На седмото место е Настја (Анастасија Раџинска) со заработка од 18,5 милиони долари, 39 милијарди прегледи и 190,6 милиони претплатници.

Осми е Блипи (Стевин Џонсон) со заработени 17 милиони долари, 8,2 милијарди прегледи и 27,4 милиони претплатници.

Дејвид Добрик го држи деветтото место на листата на Форбс со плата од 15,5 милиони долари, со 2,7 милијарди прегледи и 18 милиони претплатници.

И, конечно, списокот со 10 најплатени јутјубери го заклучува Џефри Стар, кој заработи 15 милиони долари во 2020 година, 600 милиони прегледи и 16,9 милиони претплатници.