Од почетокот на годината, компанијата го зголеми снабдувањето со гас во Европа за 27%

Гаспром не планира да гради нови гасоводи во Европа, стана јасно од прес-конференција на гасниот гигант, пишува ТАСС. Во оваа фаза, капацитетот за извоз на компанијата за гас е 330 милијарди кубни метри, од кои 60% е за Европа. Останатите количини на природен гас се извезуваат во Кина.

Извозот на гас во Европа расте од почетокот на годинава, покажуваат податоците на компанијата. Во периодот од 1 јануари до 15 мај 2021 година, „Гаспром“ испорача 76 милијарди кубни метри природен гас на своите европски клиенти, што е зголемување за скоро 27 проценти.

Има сериозен раст во однос на снабдувањето за Турција (154,4%) и Романија (163,7%). Податоците на руската компанија за Бугарија покажуваат пораст на испораките од 46,5%.

Оваа година „Газпром“ планира да извезува од 175 до 183 милијарди кубни метри природен гас во Европа по просечна цена од 200-206 американски долари за 1.000 кубни метри.

Токму со зголемената побарувачка на природен гас од „Газпром“ тие ја мотивираат изградбата на последниот досега гасовод кон Европа – „Северен поток 2“. Сепак, проектот не е недвосмислено прифатен на Стариот континент, ниту од Соединетите држави. Во Москва, сепак, нема сомнение дека проектот ќе биде финализиран.

Гасоводот е економичен за Европа, коментираше рускиот вицепремиер Александар Новак пред еден ден, истакнувајќи ја флексибилноста на руските залихи во студените зимски месеци.

„Газпром“ исто така развива различни сценарија за развој до 2050 година, кои се базираат на анализи на економските, техничките и политичките трендови за развој на енергијата од глобално ниво, стана јасно за време на прес-конференцијата на компанијата.

Тие се очекува да бидат готови до мај 2022 година, рече Олег Аксјутин, заменик претседател на управниот одбор на компанијата за гас.

Гасниот гигант не ја исклучува можноста да се развие во јаглерод-неутрална средина. Пред неколку недели, компанијата претстави еден од проектите на кои работат во оваа насока, имено производство на водород од ниско-јаглероден метан.

Во 2020 година, Гаспром ги намали емисиите на јаглерод диоксид за 14% во споредба со нивото од 2019 година. Компанијата го објасни ова со воведување новини за складирање на гас и оптимизација на употребата на ресурсите. Зелените политики му помогнаа на Гаспром да заштеди повеќе од 180 милиони американски долари.