Во насока на обезбедување помош и поддршка на туристичкиот сектор што беше најпогоден од епидемијата на Ковид-19, Општина Охрид објави Јавен повик за субвенционирање четири категории туристички дејности.
Субвенционирањето е предвидено за даватели на услуги во сместувачки капацитети во мал обем, туристички водичи, даватели на услуги во селски туризам и селски домаќинства, како и даватели на услуги со воден превоз и рекреативни активности на вода и плажи.
Повеќе информации за повикот како и за начинот на аплицирање заинтересираните можат да најдат на опѓштинската интернет-страница www.ohrid.gov.mk.