Подружницата на Мајкрософт, Microsoft Round Island One, која работи во Ирска, плати даноци од нула долари на околу 315 милијарди долари профит (258 милијарди евра), пренесува Гардијан. Компанијата е регистрирана како даночен обврзник на британските Бермуди, а меѓу вработените има само директор.

Во 2020 година, Microsoft Round Island One оствари профит што претставуваше скоро три четвртини од вкупниот бруто домашен производ на Ирска (БДП). БДП на Ирска минатата година беше 437 милијарди долари (357 милијарди евра).

Подружницата на Мајкрософт, која наплатува за лиценци за употреба на заштитен софтвер, забележа годишна добивка од 314,7 милијарди долари, до крајот на јуни минатата година. Таа сума е нешто помалку од 10 милијарди долари поголема од претходната, покажуваат податоците на ирскиот регистар на компании.

Веста доаѓа пред состанокот на лидерите на Г7 во градот Корнвол, закажан за овој месец и има за цел постигнување договор за затајување данок.

Microsoft Round Island One се наоѓа во адвокатска фирма во центарот на Даблин. Во нејзината даночна пријава стои дека не подлежи на данок на доход, бидејќи е регистрирана на Бермуди.

Компанијата минатата година исплати дивиденда од 24,5 милијарди долари на „Мајкрософт“, проследена со дополнителна дивиденда од 30,5 милијарди долари.

Овој проблем, поради затајување данок што можеби ќе треба да се плати во САД или друга земја, се решаваше долго време од страна на американскиот Сенат.

Според една од истрагите, Мајкрософт започна да воспоставува комплексна мрежа на поврзани странски компании во 90-тите години на минатиот век, со цел да ја прошири продажбата и да плати пониски даноци.

„Мајкрософт работи и инвестира во Ирска повеќе од 35 години, ние сме нејзин даночен обврзник многу години, вработуваме и придонесуваме за нејзината економија. Ние целосно се придржуваме до сите локални закони и регулативи во земјите во кои работиме “, наведуваат претставниците на„ Мајкрософт “, пренесува Новаекономија.рс.

Гигантски американски технолошки компании од САД, т.н. Силикон Сикс Мајкрософт, Амазон, Фејсбук, Алфабет (сопственик на Гугл), Нетфликс и Епл се обвинети дека платиле 96 милијарди долари помалку данок во текот на изминатата деценија.