Пред пандемијата, голем број компании ширум светот експериментираа со четиридневна работна недела. Замавот за ова движење стивна, бидејќи Ковид-19 беснееше низ целиот свет и скоро сите беа принудени да работат од дома. Сега, кога почнавме сериозно да разгледуваме како ќе изгледа новиот работен свет, темата се појавува повторно.
Шпанија објави дека ќе експериментира со пробна четиридневна работна недела, според Гардијан. Шпанската влада се согласи на 32-часовна работна недела во текот на три години, без намалување на обештетувањето на работниците.