Синдикатот на вработените во Европската централна банка (ЕЦБ) побара зголемување на платите, а причината е – инфлација.
Имено, синдикатот IPSO го повика менаџментот на ЕЦБ значително да ги зголеми платите за да ја заштити куповната моќ на своите вработени со оглед на галопирачките цени. ЕЦБ предложи зголемување на платите за 1,3 отсто од јануари, што е значително под инфлацијата, на пример, во Германија, каде беше 4,6 отсто во октомври.
„Разликата меѓу овие две бројки значи дека секој од нас ќе претрпи трајно намалување на куповната моќ. ЕЦБ не е во состојба или не сака да го заштити сопствениот персонал од ефектите на инфлацијата!“, се вели во електронската пошта испратена од синдикатите до синдикатите на Европската централна банка.
Иронијата е што ЕЦБ е одговорна за инфлацијата во еврозоната, која и покрај растот на цените од средината на оваа година, одбива значително да ја заостри монетарната политика, тврдејќи дека инфлацијата е привремена, но и дека нема да го загрози економското закрепнување на еврозоната. Дополнително, зголемувањето на платите ширум Европа само ќе долее масло на огнот и дополнително ќе ја зголеми инфлацијата.