Германија годинава планира рекордно задолжување од околу 140 милијарди евра, што произлегува од завршните преговори во буџетската комисија на Бундестагот, објавија тамошните медиуми.
Германскиот буџет за тековната година предвидува расходи во износ од околу 495,79 милијарди евра, нешто повеќе од планираното од самиот министер за финансии Кристијан Линднер. Бундестагот ќе го усвои новиот буџет во неделата од 30 мај до 3 јуни.
Предлог-буџетот предвидува 705 милиони евра повеќе инвестиции, како и 11,9 милијарди евра расходи, но во буџетот останува предложеното ново задолжување од 138,94 милијарди евра, бидејќи се очекуваат многу повеќе приходи од лани.
„Преговорите за буџетот беа обележани со големи глобални кризи“, велат Денис Роде, Свен-Кристијан Киндлер и Ото Фрик, тимот на владејачката коалиција.
Посочија дека резултат од преговорите се создава безбедност во време на криза, како во светот, така и во Германија.
„Инвестираме во инфраструктура, ја штитиме климата, ја поддржуваме средната класа, ја поттикнуваме науката, иновациите и општественото единство. Дополнително, ја зајакнуваме безбедносната, надворешната и развојната политика“, нагласија пратениците од СПД, ФДП и Зелените.
Со новиот буџет, владејачката коалиција ги укинува сите финансиски средства за канцеларијата и соработниците на поранешниот канцелар Герхард Шредер.
Ова беше решено под образложение на неговите блиски контакти со Русија и пред сè со претседателот на Русија Владимир Путин.
Во буџетот се предвидени и олеснувања за домаќинствата, како парно и еднократна помош за семејствата со деца.
Исто така, донесен е пакет мерки за помош на стопанството.