Од опозициската ВМРО-ДПМНЕ ги повикуваат граѓаните на 18 јуни, идната сабота, масовно да се обединат и да излезат на улица на граѓанскиот протест против, како што велат, криминална влада на СДСМ и ДУИ.
-Бензините секојдневно поскапуваат, прехрамбените производи се со екстремно високи цени, ни пресметуваат на старата цена електрична енергија, колкави ќе ни се сметките со новиот систем на наплата, и упорно не убедуваат дека тоа нема да влијае на домашниот буџет, а притоа не водат сметка подеднакво за сите граѓани во републикава, порача пратеничката Жалкина Шопова од ВМРО-ДПМНЕ повикувајки ги граѓаните на протест на кој ќе го искажат револтот од несоодветните економски политики на власта.
-Време е народот да излезе на улица и да ги преземе работите во свои работи, очекувам на 18 јуни да дојдат се надевам и над 100.000 луѓе, мислам дека треба да се свесни граѓаните дека еден човек плус на протестот значи еден ден помалку на оваа криминална влада на СДСМ и ДУИ, вели оптпретседателот на ВМРО-ДПМНЕ Александар Николоски.
-Протестот е против сите неправди, против сите навреди и невистини, како и против сите поскапувања и удрирањето токму по џепот на граѓаните… – посочува потпретседателот на партијата Александар Мисалјовски.
-Во време кога имаме 12% инфлација и наликуваме на ‘90те, кога цените на основните животни намирници секојдневно растат, во време кога цените на горивата отидоа во “Вселена” господата од СДСМ и ДУИ гласаат ПРОТИВ намалување на акцизите и ДДВ за горивата, а само 10 минути подоцна гласаат ЗА покачување на платите на судиите. Ова е злосторство кон сопствениот народ. Ќе се задолжуваме и ќе ги задолжуваме следните генерации за судиите да земаат повисоки плати, соопшти вчера пратеникот Љупчо Пренџов.
Протестот е под мотото „Премногу е“, а организаторите очекуваат масовен одзив на граѓаните.