„Да не се отвореше оваа компанија сите млади кои се тука вработени ќе требаше да одат да работат во некоја од земјите во ЕУ и затоа сакам да им се заблагодарам и на Магна и на нејзиниот менаџмент што ја одбраа Северна Македонија за отворање на оваа високотехнолошка компанија“, порача Ковачевски.
Компанијата до 2024 година ќе вработи околу 1.300 лица кога ќе го постигне својот планиран капацитет, а поддршката од државата на оваа инвестиција е околу 50 проценти.
Потпретседателот на компанијата „Магна интернационал“ Дејвид Кресп, порача дека Магна има широко портфолио и е на четврто место глобално во својата индустријата, додека „Магна мирорс“ е лидер во производстото на внатрешни и надворешни огледала за автомобили, како и напредни видео системи за следење на движењето, модули и компоненти за возила.
„Тоа што почна како идеја во 2018, сега е реалност. Нашата инвестиција е околу 35 милиони евра, се наоѓа на површина од 17 илјади метри квадратни и ќе има една илјада вработени“, изјави Кресп.
Директорот на ТИРЗ Јован Депотовски, порача дека продолжуваат да работата и очекува двојно да се зголемат странските директни инвестиции.
„Магна интернационал“ е канадска компанија со глобално седиште во Онтарио-Канада, која дизајнира, развива и произведува автомобилски системи, модули и компоненти.
„Магна“ се четврти по големина производители во автомобилскиот сектор во Европа и први во Северна Америка, што ја става Македонија на светската мапа како инвестициска локација на големи интернационални компании.
„Магна“ ќе го поттикне севкупниот економски развој во регионот, бидејќи покрај вработувањата, кои се со плати повисоки од просечните во земјава, тие ќе соработуваат и ќе се поврзуваат со локалните ланци на снабдување во земјава.