Во периодот од 1 јануари 2018 година до 31 декември 2022 година, за пет години владата на СДСМ го зголеми јавниот долг од 4,787 милијарди евра на 7,703 милијарди евра, или за 2,916 милијарди евра, а државниот долг за истиот период е зголемен од 3,958 милијарди евра на 6,581 милијарди евра, или за 2,623 милијарди евра, вели Христијан Мицкоски, претседател на ВМРО-ДПМНЕ.

„Зголемувањето на јавниот и државниот долг во последните пет години е поголемо од зголемувањето на јавниот и државен долг за периодот од претходните 14 години, од 1 јануари 2003 година до 31 декември 2016 година.

За пет години успеаја да го зголемат јавниот и државен долг повеќе отколку претходните влади за 14 години.

Криминал и корупција. Тендери во четири очи. Пљачка и лаги. Потребни се избори за Македонија да почне да победува. Потребни се избори за крај на политичките криминалци и измамници“, изјави Мицкоски.