Министрите за економија од Берлинскиот процес и претставниците на Европската унија повикаа на брзо спроведување на Акциониот план за заедничкиот регионален пазар, соопштија од ЦЕФТА. Данијела Гачевиќ, вршител на должноста директор на Секретаријатот на ЦЕФТА, истакна дека ЦЕФТА значително придонела за економскиот раст.
Како што се наведува во соопштението, во 2022 година обемот на трговската размена ќе достигне 8,8 милијарди евра, што е зголемување за 112 отсто во однос на 2014 година. Бројките покажуваат дека регионот сè уште има неискористен потенцијал. Со цел да се искористат овие можности, ЦЕФТА е посветена на решавање на нетарифните бариери, поедноставување на документацијата за стоки и услуги и унапредување на дигитализацијата на трговијата во согласност со политиките и стандардите на ЕУ, објави ФоНет.
„Нашата порака е јасна – нема кратенки на патот кон Европската унија. Предуслов за понатамошен напредок во оваа насока е усвојувањето на одлуките кои се договорени со заедничката работа на експертските тимови на сите ЦЕФТА страни. Седум клучни одлуки чекаат на усвојување како чекор кон понатамошен напредок и создавање на заеднички регионален пазар, наш мост до единствениот пазар на ЕУ“, рече Гачевиќ.