На почетокот на следната година е најавено намалување на давачките за увоз на половни автомобили, со кое се очекува и да паднат цените на користените возила во земјава, пишува „Денар.мк“.
Според економските анализи и трендовите на пазарот, се очекува цените на половните автомобили да опаднат за значителни 15 до 20 отсто, посебно кај возилата постари од 10 години, пишува порталот.
Препоставениот пад на цените би бил резултат на воведувањето пониски даноци на емисијата на јаглерод диоксид, како и намалувањето на ДДВ за увоз на автомобили, кој ќе важи од Нова година.
Владата во изминатиот период презеде неколку мерки за поевтинување на увозот на половни автомобили. Една од најважните мерки е намалувањето на данокот на емисијата на ЦО2, кој директно влијае на крајната цена на возилата. Оваа мерка се очекува да овозможи намалување на цените на возилата постари од десет години, кои се најприфатливи за најголемиот дел од купувачите во земјата.
Намалувањето на ДДВ-то за понови автомобили исто така ќе го подобри пазарот за оние кои сакаат да купат возила со помали издувни гасови и повисоки еколошки стандарди. Токму оваа комбинација на мерки се очекува да создаде нови економски прилики и за граѓаните, и за трговците со половни автомобили.
Прочитајте ја целата анализа на „Денар“.