Исплатени се 70.417.380,00 денари кон 1.297 корисници за растително и сточарско производство од програмата за финансиска поддршка во земјоделството за 2023 година, соопшти Министерството за земјоделство, шумарство и водостопанство.
Воедно, исплатени се и 7.194.500,00 денари кон 42 корисници од мерката 214.3 од Програмата за рурален развој за 2023 година.
Продолжува исплатата на заостанатите средства кон земјоделците. Грижата кон земјоделците продолжува!, се наведува во соопштението од МЗШВ.