Вкупниот број на постоечки криптовалути достигна нов рекорд минатата недела, надминувајќи го претходниот врв за 300 монети. Ова го покажуваат податоците цитирани од „CryptoPresales.com“. Така нивниот вкупен број достигнува 10.700 криптовалути.

Уште од крипто-бумот во 2022-ра година, вкупниот број на криптовалути е помеѓу 8.500 и 10.000, при што се појавуваат стотици нови монети за време на секоја наредна трка. Релито 2024-та година не беше исклучок, предизвикувајќи бран на нови изданија кои го достигнаа својот врв минатата недела.

Според податоците на „Investing.com“, кој го следи бројот на криптовалути, 2024-та година започна со вкупно 9.024 монети на располагање. До крајот на јуни бројката беше веќе над 10.000. – праг што последен пат беше надминат во февруари 2022-ра година. Во септември, октомври и ноември, вредностите беа слични, варираа помеѓу 9.800 и 10.000, но со порастот на цената на криптовалутите и зголемената доверба на инвеститорите, нивниот број достигна над 10.300.

Моментумот продолжи оваа година, поддржан од оптимизмот околу изборот на Доналд Трамп за претседател. Според статистичките податоци, вкупниот број на криптовалути е рекордни 10.728 заклучно со 22-ри јануари, што е за 330 повеќе од претходниот врв од 10.397 во февруари 2022-ра година. Ова исто така значи дека во последните два месеци се лансирани речиси 800 нови криптовалути, што е 60% од вкупниот пораст во 2024-та година.

Наспроти оваа позадина, сепак, односот на популарност на монетите со највисока вредност останува релативно ист. Според податоците на „CoinMarketCap“, првите 10 највредни токени сочинуваат 88% од вкупната пазарна вредност на крипто од минатата недела. Ова е благ пораст од 86,5% во декември.

Биткоинот останува најголем удел на пазарот со 57% од минатата недела, што е благ пораст на месечна основа. Од друга страна, уделот на етер се намали од 13% на 11% помеѓу декември и јануари. Следат „Ripple“, „Tether“ и „Solana“ со 5%, 3,8% и 3,6%, соодветно. Од друга страна, „BNB“, „dogecoin“, „USDC“, „Cardano“ и „TRON“ колективно имаат пазарен удел од 7,2%.