Од денес, туристите кои ја посетуваат Венеција ќе мора да платат билет за влез до 10 евра за еднодневна посета на градот. Ова претставува зголемување од двојно во споредба со износот што беше потребен минатата година кога оваа шема беше имплементирана, пренесе ДПА.
Таксата е валидна за сите денови до првиот викенд во мај, а потоа и за сите викенди од петок до недела до крајот на јули.
Вкупно, годинава надоместокот ќе се наплаќа за 54 дена, што е речиси двојно повеќе од претходната година. Посетителите мора да обезбедат QR-код преку интернет пред нивното пристигнување и да го зачуваат на нивните мобилни телефони.
Во 2024 година, Венеција стана првиот град во светот кој наплатува билети за туристи кои доаѓаат на краток период, на начин сличен на музеите. Оние кои немаат билет се изложени на ризик да бидат казнети со сума до 300 евра.
Шемата во основа останува иста како и минатата година, но сега се бара почесто плаќање и во поголем износ.
Лицата кои направиле резервации однапред можат да влезат во градот за 5 евра, додека “last-minute” посетителите ќе платат 10 евра.