Вредноста на американскиот долар денеска падна на најниско ниво во последните речиси шест месеци, откако американскиот претседател Доналд Трамп воведе реципрочни царини на повеќе од 180 земји и територии ширум светот, вклучувајќи царина од 20 отсто за стоки увезени од Европската унија и 10 отсто за стоки од Велика Британија.
Администрацијата на Трамп, која го прогласи 2 април за „Ден на ослободувањето“, воведе и царини од 25 отсто за увоз на сите автомобили од странско производство, објавија медиумите.
Спротивно на тоа, еврото порасна за еден процент во однос на американскиот долар, а европската валута сега се тргува за 1,1 долар, што е највисоко од октомври 2024 година. Британската фунта, исто така, скокна и сега се тргува на 1,3 долари, највисоко ниво во последните шест месеци, покажаа податоците на пазарот.