Надзорниот одбор на Фолксваген одлучи денес да ја изгради новата фабрика во Измир

Германскиот производител на автомобили Фолксваген планира да изгради сопствена мулти-бренд фабрика во Турција, објави германскиот автомобилски магазин Automobilwoche денеска, со што се зголеми цената на турскиот дистрибутер Volkswagen Dogus Otomotiv.

Automobilwoche, кој не ги цитира своите извори, вели дека Надзорниот одбор на Volkswagen одлучи во четвртокот да ја изгради фабриката во близина на крајбрежниот град Измир.

Според магазинот, подружницата на “Фолксваген Шкода” ќе биде една од брендовите произведени таму.

Во април чешкиот весник Hospodarske Noviny соопшти дека Skoda избра меѓу Бугарија или Турција како место за планираниот нов погон.

Портпаролот на надзорниот одбор на Volkswagen за Ројтерс изјави дека плановите за новата фабрика се потврдени, но се уште не се финализирани. Одлуката се очекува да биде објавена ова попладне. Нема податоци колку голема ќе е инвестицијата, но во последните месеци германскиот печат тврдеше дека станува збор за најмалку 1,3 милијарди евра. Турските весници денес пишуваат дека фабриката ќе вработи околу 5.000 луѓе.

Акциите на турскиот дистрибутер на Volkswagen Dogus Otomotiv поскапеа за 11,6% во петокот, а Катар, кој поседува 17% од акциите на Volkswagen, го повика силно Надзорниот одбор да ја избере Турција за фабриката.

Како што е познато, германскиот Volkswagen Group објави кон крајот на минатата година, дека бара место за новата своја фабрика во Источна Европа, која треба да започне со работа во 2022 година и ќе биде директна капитална инвестиција и ќе изнесува над 1,4 милијарди евра и ќе вклучува отворање на барем 5000 директни работни места. Подоцна се очекува отварање и на уште илјадници дополнителни места во добавувачките и услужните индустрии.
Фабриката ќе е од т.н. multi-brand вид, односно ќе произведува автомобили од различни марки под капата на групата, вклучувајќи Volkswagen, Audi, Skoda, SЕАТ и други.

Идејата првично беше во него да се составуваат два модели Skoda Karoq и SEAT Ateca, и да биде преместено сегашното производство од фабриката на Skoda во Квасини, Чешка. Во последните денови, сепак, се пренесени и информации дека во него може ќе се составува и лимузината Volskwagen Passat.

Капацитетот ќе биде 1000 автомобили на ден, или околу 360 000 годишно.