Корисниците на аранжмани на агенцијата Томас Кук, компанијата која банкротира – со седиште во Велика Британија, ги обвинија авиокомпаниите за зачудувачкиот пораст на цената на летовите што многумина биле принудени да ги платат.

Патниците кои имаа резервирано летови преку британска компанија, сега се обидуваат да најдат летови за замена. Сепак, патниците изјавуваат за БиБиСи дека некои авиокомпании ги зголемиле тројно цените на летовите.

На пример, според патникот Ангела Милс, цената на летот од Глазгов до Родос во Грција во неделата изнесувал 280 фунти, но денес овој лет чини 1.000 фунти. Летот од Велика Британија кон Флорида чинеше 1.800 фунти, но сега чини 2.500 фунти.

Патникот Најџел Вилсон за Би-Би-Си изјави дека успеал да избегне покачување на цената на летовите помеѓу Манчестер и Маракеш. Летот за неговото четиричлено семејство чинеше 640 фунти, но вчера се искачи на 1.500 фунти.

Аналитичарите велат дека цените секогаш одразуваат голема побарувачка за летови. Бидејќи стотици илјади туристи од Велика Британија и остатокот од Европа ги загубија повратните билети кога авионите кои беа во сопственост на компанијата Томас Кук, цените во другите компании се зголемија.

„Луѓето не седат, туку, ги тријат рацете. Ако растат продажбите на летови на популарните рути, тогаш растат и цените “, рече Џон Стрикленд, аналитичар на авиокомпанија во ЈЛС Консалтинг.

„Томас Кук не успеа затоа што имаше огромни долгови и направи загуба. Тоа е чувствителна индустрија. Десетици авиокомпании не успеаја. Ако авиокомпаниите не остварат профит каде што можат на повеќето летови, тогаш немаат шанси да преживеат “, рече Срикленд.

Во меѓувреме, Даме Деидре, претседател на Агенцијата за цивилно воздухопловство на Обединетото Кралство (ЦАА), вели дека британскиот ескадрил довел дома нешто помалку од 15.000 луѓе досега. Ова е само осум проценти од вкупниот број на луѓе кои чекаат на нивниот повратен лет.

„Сè уште имаме многу работа. Успеавме да направиме 64 летови и денес ќе имаме уште 74 летови и се надеваме дека ќе донесеме дома 16.500 луѓе. Во следните 13 дена, ќе летаме и ќе донесеме дома 135.000 патници “, рече Деирдре.

АЦВ изнајми повеќе од 40 авиони за да ги донесе патниците дома од 18 земји и цената на операцијата, која ја сноси Министерството за транспорт на Велика Британија, ќе биде поголема од 100 милиони фунти или околу 113 милиони евра.

Банкротот на Томас Кук поради лошата финансиска година остави 22.000 луѓе низ целиот свет без работа и 600.000 патници без летови.