Агенцијата за финансиска поддршка во земјоделството и руралниот развој, денеска на сметките на 1.566 субјекти исплати вкупно 137,3 милиони денари за мерката „Директни плаќања за произведено и предадено јаболко кај регистриран откупувач“, информира директорот на Агенцијата, Никола Бабовски.
Висината на поддршката за оваа мерка изнесува 3 денари по килограм предадено јаболко. Корисници на оваа подмерка се земјоделските стопанства кои имаат остварено производство на јаболка од реколта 2018 година и истите произведеното јаболлко во период од 12 октомври 2018 година до 25 јуни 2019 година ги предале кај регистриран откупувач.
„Оваа Влада од почеток на мандатот до денеска, на сите кои исполнуваат услови за добивање финансиска поддршка во земјоделството, исплати вкупно 20,146,718,690 или 327,5 милиони евра на име субвенции“, рече Бабоски.