Милијардерот и ко-основач на „Мајкрософт“, Бил Гејтс, изрази негативен став за криптовалутите, нарекувајќи ги безвредни и бескорисни.
Во интервју за The New York Times, Гејтс одговори на прашањето за вредноста на криптовалутите велејќи: „Нема вредност (ништо)“.
„Дури и луѓе со висок коефициент на интелигенција се залажуваат дека криптовалутата има вредност“, додаде Гејтс.
Гејтс често изразува скептицизам и ги критикува криптовалутите. Во последната сесија на прашања на социјалната мрежа „Редит“, тој изјави: „Сакам да инвестирам во работи што имаат вредност. Не поседувам ниту една криптовалута“, додавајќи дека криптовалутите „не придонесуваат за општеството“.
Чувството во „Мајкрософт“ во однос на криптовалутите не е многу различно. Во гласањето на акционерите спроведено минатиот декември, само 0,55% од акционерите ја поддржаа „стратегијата за инвестирање во Биткоин“. Одборот на компанијата повика предлогот да биде отфрлен пред гласањето на акционерите, наведувајќи ја големата нестабилност на вредноста на криптовалутите.