Цената на биткоинот за прв пат го премина прагот од 60.000 долари, покажуваат податоците од платформата за тргување со криптовалути Коиндеск.
Најпопуларната криптовалута утринава се тргуваше за 60.883,03 долари. Тоа е за 6,79 отсто повеќе во однос на трговијата во четвртокот. Останатите криптовалути го следеа нагорниот тренд, при што етер додаде 9,83 проценти за тргување за 2.669,00 долари, а солана порасна за 2,67 проценти на 157,13 долари. Набљудувачите на пазарот укажаа на два поволни фактори кои го поддржаа остриот пораст на цените на биткоинот и другите криптовалути.
Минатата ноќ, американски судија нареди банкротираната крипто берза ФТХ и нејзината поврзана трговска фирма „Aламеда рисрч“ да платат 12,7 милијарди долари на доверителите. Многумина се надеваат дека дел од средствата ќе се вратат на криптопазарите бидејќи поранешните корисници ги реинвестираат приходите во дигитални средства. Во меѓувреме, рускиот претседател Владимир Путин потпиша нацрт-закон за легализирање на ископувањето криптовалути во земјата.
„Русија се чини дека се движи за да остане во чекор со САД. Стравот од изгубениот профит од биткоинот се загрева на национално ниво“, рече Ки Јонг-ју, извршен директор на фирмата за криптоанализа „КриптоКвант“.
Со денешната добивка, биткоинот веќе целосно се врати на позитивната територија на пазарната крива, која во понеделникот се намали на стапка од 49.000 долари, пренесе БТА.