Бугарскиот министер за финансии бесен: Aко во Македонија минималната плата е 946 лева, тогаш во Бугарија ќе биде 933 лева!

Новиот износ на минималната плата во Бугарија догодина ќе биде 933 лева, доколку пратениците го прифатат предлог-буџетот. Во Црна Гора оваа година е 1.042 лева, а во Северна Македонија сега е 946 лева, во Србија е 1.070 лева. Тоа се земји со помал БДП по глава на жител од Бугарија, а во Романија е 1.296 лева, порача министерот за финансии Асен Василев, пренесува „24Часа.бг“.

-По сите наши соседни земји, ние сме на ред. Должни сме да спречиме формирање на гета со ниски плати, неквалитетна работа и напуштени региони, бидејќи тоа се случува и во развиените земји, доколку се отвори јазот во приходите – беше категоричен Василев. Тој објасни дека владата сака да го задржи данокот на доход. Со соодветна плата луѓето почнуваат да размислуваат дали да се вратат од странство, додаде тој. Работодавачите очекувано не се согласија со покачување на минималната плата и максималниот приход од социјално осигурување. Синдикатите бараа повеќе пари за плати, бенефиции за невработени и поголем максимален приход. Како што веќе пишуваше „24 Часа“, сите пензии ќе се покачуваат според класичното швајцарско правило од 1 јули 2024. Според последните пресметки, тоа значи зголемување на парите на старите лица за 11 отсто.

Минималната плата ќе порасне за 57,53 лева на 580,57 лева, а тоа ќе доведе до зголемување на пензиите кои зависат од неа – социјални и инвалидски. Социјалното осигурување за старост ќе изнесува 307,07 лева, а просечната пензија се очекува да достигне 971 лева.