„Credit Suisse“ се подготвува за судски спор со „SoftBank“, откако по распадот на „Greensill Capital“ ги влоши односите меѓу швајцарската банка и еден од најголемите инвеститори во технологијата во светот, велат извори запознати со ова прашање, цитирани од „FT“.

Швајцарската банка се бори да ги смири своите лути клиенти во врска со загубата од 3 милијарди долари по банкротот на „Greensill“, чиј најголем инвеститор беше „Vision Fund“ на „SoftBank“.

Спорот се фокусира на 440 милиони долари што богатите клиенти на банката и ги должат на „Katerra“, проблематична градежна група во САД, која беше клиент на „Greensill“ и беше поддржана од „Vision Fund“.

„Katerra“ е вклучена во специјалниот пакет за финансирање на синџирот на снабдување на „Greensill“ на „Credit Suisse“, кој ги групира инвестициските обврски и ги пласира како нискоризични.

„Financial Times“ откри претходно оваа година дека кога „SoftBank“ се согласи да обезбеди итна инјекција на готовина во „Greensill“ во ноември 2020-та година за покривање на долговите во „Katerra“, парите не стигнаа до предвидените средства на „Credit Suisse“.

Швајцарската банка започна опсежна истрага за неуспехот на нејзините средства, која истражува какви информации ги споделиле финансиската компанија и „SoftBank“, вклучувајќи ја и „Katerra“, со менаџерите за управување со средства на „Credit Suisse“.

„Прашањето е што тие знаеја од „SoftBank“, изјави за медиумите човек запознат со плановите на швајцарската банка. „Спорот може потенцијално да се најде на суд“, додаде изворот за медиумите.

„Vision Fund“ и наложи на адвокатската канцеларија „Quinn Emanuel“ да ги брани од какви било тврдења поврзани со „Greensill“, според лице запознато со ова прашање.

Наводите меѓу швајцарскиот заемодавач и „SoftBank“, водечки клиент, веќе доведоа до неформална забрана на банкарите на „Credit Suisse“ да соработуваат со јапонската група во последните шест недели, а забраната прво ја објави „Bloomberg“.

Заканата од тужба се јавува кога клиентите на „Credit Suisse“ ја притискаат банката да ги надомести за загубите од средствата, кои започнаа во 2017-та година. Неколку групни тужби што обединуваат десетици богати инвеститори во фондовите, земаат интензитет.

Досега, банката отплати 4,8 милијарди долари и планира понатамошни отплати во наредните денови. Сепак, забележано е дека средства од фондот од 2,3 милијарди долари ќе биде тешко да се повратат, вклучувајќи 440 милиони долари од „Katerra“, 1,2 милијарди долари од британскиот индустријалец Санџив Гупта и 690 милиони долари од „Bluestone Resources“, американски бизнис за ископ на јаглен, сопственост на гувернерот на Западна Вирџинија, Џим Џастис.

Џастис потврди дека тој лично обезбедил скоро 700 милиони долари заеми што неговите компании за јаглен ги зеле од „Greensill“. Тој ја тужи компанијата пред федералниот суд во Менхетен.

Клиентите на банката, исто така, поставуваат прашања во врска со односот на „Credit Suisse“ со „SoftBank“, според информирани лица. Минатото лето, „FT“ откри дека јапонската компанија е вклучена во циркуларен договор за финансирање во кој се вклучени фондовите на „Greensill“.