Германската банка – „Deutsche Bank“, размислува за теоретско сценарио за спојување со швајцарскиот ривал „UBS“. Ова е објавено од страна на германскиот бизнис дневен весник „Handelsblatt“, наведувајќи ги изворите запознаени со ова прашање.
Сценариото, како и потенцијалното спојување со друга германска финансиска институција, „Commerzbank“, беа разгледани за време на состанокот со надзорниот одбор за стратегијата на банката претходно овој месец, објави германското издание.
На хартија, спојувањето со „UBS“ ќе биде подобра опција отколку договорот со „Commerzbank“, бидејќи „Deutsche Bank“ и швајцарската банка добро ќе го надополнуваат нивниот бизнис, особено во областите на инвестициското банкарство и управувањето со фондови.
Истовремено, спојувањето со „Commerzbank“ може да доведе до високи трошоци за реструктуирање поради големото преклопување во работењето на двете банки.
Од „Deutsche Bank“ сè уште не ги коментираат извештаите во медиумите.
Главниот извршен директор на банката, Христијан Шивинг во понеделникот ги обесхрабри шпекулациите за спојувањето, велејќи дека банката треба да се фокусира на своите задачи во наредните 18 месеци.
Раководството на „Deutsche Bank“ и „Commerzbank“ се повеќе се отворени за идејата за повторно обединување, објави германскиот „Der Spiegel“ претходно овој месец.
Во исто време, германската влада, која поседува над 15 отсто од „Commerzbank“, исто така, поттикна шпекулации за претстојните промени.
Германскиот министер за финансии Олаф Шолт претходно изјави дека на Германија и требаат силни банки за поддршка на извозот. Според некои банкари, станува збор за менување на чувствата, навестувајќи ја подготвеноста за поддршка на финансиската индустрија преку политики, како организација за спојување.
Во рамките на сценариото за повторно обединување со „UBS“, „Deutsche Bank“ ќе биде најмалиот партнер и германската влада ќе мора да го прифати ова, вели „Handelsblatt“.
Извор ; Линк