Долготрајниот трговски конфликт меѓу САД и Кина често беше во основата на движењето на пазарите во последниве месеци, откако инвеститорите се уплашија од потенцијален пад на резултатите на компаниите.

И додека загриженоста за трговската војна не беше доволна за да ги запре главните индекси, како S & P 500, Dow Jones и Nasdaq Composite – од донесувањето на новите врвови, тие почнуваат сериозно да натежнуваат над резултатите на некои компании со мултинационален бизнис и даваат повод за оправдување на нивните послаби резултати.

Еве компаниите што веќе се пожалија на трговската војна за слабите резултати:

PPG Industries

Производители на бои и лакови кои не ги достигнаа ни одблиску предвидувањата за добивката во вториот квартал, кога ги објавија резултатите во четвртокот, минатата недела.

Претседателот и извршен директор Мајкл Макгари изјави во конференциски повик дека компанијата очекува “светската економска активност да остане слаба во третиот квартал”, повикувајќи се на “регионални и национални трговски спорови”, како причина за неодамнешната депресивно пребарување.

PPG испорачува облоги за кинеските производители на авто делови и рече дека “најголемата причина” за слабата побарувачка од Кина е “трговската војна”.

“Луѓето имаат пари во Кина. Луѓето се зафатени. Ова е недостаток на доверба на потрошувачите … за големи купувања. Тие седат на маргините, за да видат што ќе се случи и како ќе се реши трговскиот спор “, рече тој.

CSX

Акциите на железничкиот оператор паднаа со 10,2%, кога најавија дека профитот за вториот квартал се под просечните предвидувања на аналитичарите.

Главниот извршен директор Џејмс Фоут во вторникот рече дека “актуелната економска позадина е една од најзбунувачките кои сум преживеал во кариерата”, додека Марк Валас, извршен потпретседател за продажба и маркетинг, рече – “очигледно она што би помогнало во втората половина на годината, ќе биде резолуција или јасност во врска со трговските тарифи. ”

Union Pacific

Акциите на железничката товарна компанија паднаа за повеќе од 6% во вторникот минатата недела, otкако очигледно беа погодени од слабите резултати на конкурентната CSX. Тие, сепак, обновија поголем дел од загубата, откако објавија продажба и профит за вториот квартал, претекнувајќи ги средните очекувања на аналитичарите.

Сепак, Кени Рокар, извршен потпретседател за маркетинг и продажба, предупреди дека “несигурноста во трговијата и економијата” можат да предизвикаат проблеми во четвртиот квартал на годината, со оглед дека многу од корисниците кои побрзаа да ги преместат своите резерви во последниот квартал од 2018 година нема да се повторат оваа година.

Тој исто така рече дека трговските бариери влијаат врз земјоделскиот бизнис на компанијата, со оглед на кинеските ограничувања врз земјоделските купувања.

Honeywell International

Индустриската компанија врати дел од загубите од почетокот на минатата недела, кога во четвртокот излезе со профит за вториот квартал, над просечните очекувања.

Главниот финансиски директор Грег Луис сепак изјави дека компанијата “гледа претпазливо во однос на растот на краткиот циклус, бидејќи многу макросигнали: Кинескиот БДП, трговскиот тензии меѓу САД и Кина и Brexit, сеуште ја замаглуваат економската перспектива. Сметаме дека е разумно да се планира конзервативно, имајќи ја во предвид несигурноста. И нашиот водич за наредниот квартал и втората половина од годината го одразува тоа. ”

MS Morgan Stanley и Goldman Sachs Group

Главниот финансиски директор на Morgan Stanley Џонатан Прузен ги цитира “трговските дискусии” како причина поради која “активностите во Кина се доста слаби”.

Компонентата Dow – Goldman Sachs делумно ги обвини за падот на приходите кај институционалните клиенти во услужниот сектор и осигурителните компании – трговските проблеми со Кина, за време на изнесување на резултатите во вторникот.

“Геополитичките настани предизвикаа значителна промена во апетитот за ризик”, рече претседателот и извршниот директор Дејвид Соломон. “Стравувањата од проширувањето на трговските војни предизвикаа стравувања дека новите царини за Кина и Мексико ќе ги поткопаат изгледите за продолжување на растот”, додаде тој.

“Како одговор на тоа, нестабилноста беше зголемена, светските пазари станаа ризични, кривата на принос во САД се сврте надолу и нашите корпоративни и инвестициски клиенти останаа настрана.”, Коментира Соломон.

Nike

Глобалниот гигант за спортска облека изнесе резултатите за четвртиот квартал на 27-ми јуни, без да дава прогнози за приходи.

Иако новите царини не беа приложени кон увозот на облека од Кина, финансискиот директор на Nike – Ендрју Кемпин посочи дека посилниот долар, предизвикан од “несигурноста околу Brexit и американско-кинеската трговија”, се причина за нивните добри резултати.

Micron Technology

Производителот на чипови е во пораст, иако приходите за третиот квартал завршија со 39% помалку од претходната година. “Со економските и комерцијалните предизвици со кои се соочува индустријата, краткорочниот тренд за компанијата останува неизвесен”, рече Санџа Мехрота во изјавата на аналитичарите на 25 јуни.

Акциите се зголемија за 18,5 отсто во однос на истиот период минатата година, во споредба со 2,4 отсто раст во S & P, иако некои аналитичари предупредија дека производството на чипови ќе биде сериозно засегнато.

FedEx

Глобалниот логистички гигант оствари профит за фискалниот четврти квартал, при што загуби скоро 2 милијарди долари, а главниот извршен директор Фред Смит ги обвини послабите меѓународни приходи од “забавувањето на светската трговија”.

“Споровите околу светската трговија и ниските стапки на глобален раст создаваат значителна неизвесност за бизнисот на компанијата, што нè прави внимателни кога прогнозираме профит за овој сегмент во 2020 година”, рече тој. Акциите на компанијата паднаа за 15,5% во последните три месеци, во споредба со раст од 2,7% за S & P 500.

 

Забрането превземање на содржината без претходно одобрение од редакцијата на БанкоМетар.мк