Добра вест стигна од Народната банка. Во јули се зголемиле девизните резерви на државава, откако претходниот месец имаа намалување.
Месечниот пораст е 80,5 милиони евра.
На крајот на јули девизните резерви се близу 3,2 милијарди евра, говорат податоците на НБМ.
„На крајот на јули 2022 година, официјалните девизни резерви изнесуваат 3.196,6 милиони евра и во однос на претходниот месец бележат зголемување за 80,5 милиони евра. Најголем дел од девизните резерви се пласирани во хартии од вредност (70,3 отсто) по што следуваат валутите и депозитите (17,7 проценти) и монетарното злато (12,0 отсто)“, се вели во соопштението на централната банка.