Руската државна компанија „Гаспром“ планира да произведува гас на некои полиња уште 110 години, изјави генералниот директор на компанијата Алексеј Милер.
Тој нагласи дека „Гаспром“ е светски лидер во однос на резервите на гас и дека овој извор на енергија ќе биде доволен за многу години.
„Нема сомнеж дека нашите клиенти ќе имаат доволно гас многу, многу години, а во некои полиња ќе го произведуваме до 2134 година“, рече Милер.
Тој додаде дека клучот за ова е надополнување на базата на ресурси.
Пред две години, Милер рече дека производството на некои од полињата на „Гаспром“ ќе заврши во 2141 година, па дури и подоцна, и дека „Гаспром“ ќе продолжи да развива нови центри за производство на гас.