Во Германија е „апсолутно неопходно“ зголемување на платите за да се компензира големиот пораст на цените, вели претседателот на германскиот институт за економски истражувања, Марсел Фрачер.
„Во спротивно, постои маѓепсан круг на слабеење на економскиот раст и висока инфлација“, рече тој, додавајќи дека е важно да се зачува личната потрошувачка.
„Ако тоа не се случи, тогаш компаниите се во неволја, невработеноста ќе се зголеми и ќе влеземе во спирала на опаѓачки раст и висока инфлација“, рече Фрачер.
Како што растат цените, политиката мора да им помогне на луѓето на таргетиран начин, рече Фрачер, додавајќи дека тоа веќе го направила делумно, на пример преку енергетските субвенции од 300 евра за секој вработен. „Тоа беше добар потег.
Сепак, тој предупреди дека „популистичките мерки, како што е кочницата на цените на горивото“ би биле погрешни. Тој оцени дека евентуалната субвенција за набавка на гориво е контрапродуктивна, бидејќи „не ја намалува потрошувачката на енергија и на крајот голем дел од тие пари се слеваат во паричниците на големите компании за производство на минерални горива“.
Фрачер рече дека поради војната во Украина и нарушените синџири на снабдување, неопходно е да се промени начинот на размислување.
„Досега имавме глобализација која беше целосно слепа за тоа со која земја се тргува, наместо само да се гледаат трошоците и ефикасноста“, објасни тој.
Сега, според него, потребно е да се изгради глобализација која ќе биде попаметна и поиздржлива.
„Производството треба да се дистрибуира глобално на повеќе места, а можеби ќе треба повторно да произведуваме повеќе во самата Европа“, рече претседателот на DfW.