Германија би можела да ги ограничи кириите во популарните населби до крајот на 2028 година, според предлог-законот на министерот за правда Марк Бушман. Актуелните закони ги спречуваат станоиздавачите во популарните населби да ги зголемуваат кириите во новите договори и треба да останат на сила до средината на следната година, објави Индекс.хр. Поддршката за станарите беше клучна точка во коалицискиот договор меѓу Социјалдемократската партија на Германија (СПД) на канцеларот Олаф Шолц, Зелените и либералните Слободни демократи (ФДП), чиј член е министерот за правда.
Контролата „барем малку го забавила“ растот на кириите во популарните области, тврдат од Министерството за правда Од здружението на станари одговараат дека одредбите вклучуваат бројни исклучоци и „дупки“. Така, цената на закупнината може да се подигне за првпат изнајмен стан по 1 октомври 2014 година, а можно е оправдување и реновирање. Сопствениците можат да побараат и доплата за наместен стан.
СПД бара дополнителни измени во законот за поддршка на изнајмувачите, но предлог-законот на Бушман само го дополнува постојниот закон, при што ФДП предупредува дека дополнителните мерки би можеле да ги одвратат претприемачите да градат нови станови. Германците ќе излезат на избори за помалку од една година, а владејачката коалиција се уште не исполнила неколку ветувања кон станарите, забележува агенцијата ДПА.