Компанијата со седиште во Шведска се бори со играчи како Pandora и Apple Music
До првата четвртина од 2019 година, шведската музичка стриминг услуга имала 100 милиони претплатници на премиум услугата низ целиот свет, во споредба со 75 милиони во истиот квартал од 2018 година.
На графиконот се прикажани информации за бројот на претплатници на Spotify од првиот квартал од 2015 година до првиот квартал годинава и открива пораст на онлајн платформата што помогна да се смени музичкиот бизнис во последниве години.
Spotify е основана во 2006 година во Шведска. Таа им овозможува на корисниците да користат голем каталог на музика лиценцирана од повеќе издавачки куќи, како и креирање и споделување на плејлисти со други корисници.
Оние кои не сакаат да плаќаат може да ја користат музичката услуга со реклами, а оние кои сакаат да ги избегнат – плаќаат месечна претплата.
Најголеми конкуренти на Spotify се Pandora (компанија која нуди слична услуга) и Apple Music, која официјално беше пуштена во 2015 година. Пандора е најуспешната музичка апликација во Apple App Store. Во ноември 2018 година, таа остварила приходи од 14,55 милиони долари.
Во исто време, Spotify е популарен извор на нова музика. Анкетата спроведена меѓу корисниците на САД во 2017 година покажува дека 33% од испитаниците ја користат услугата за тоа.
