Во моментов, процентот на жени во Европскиот Парламент е на историско високо ниво: 40,4%
Жените имаат активна улога во политиката, но како тие се претставени во рамките на Европскиот парламент (ЕП)?
Иако ЕП се залага за родова еднаквост, жените остануваат недоволно застапени во политиката и јавниот живот на локално, национално и европско ниво, како што е прикажано со најновите бројки на веб-страницата на европската институција.
Со текот на годините, процентот на жени европратеници се зголеми. Само 31 жена била членка од 1952 година пред првите избори во 1979 година. Во првиот директно избран Европски парламент, процентот на жени е 15,2%. Оттогаш, овој процент се зголемува со секој последователен парламент. Во моментов е најголем – 40,4% од европратениците сега се жени.
Што се однесува до застапеноста на жените во Европскиот парламент, тој е над националниот просек за националните парламенти и е над просекот за владите на земјите-членки на Европската унија (ЕУ).
Бројот на жени на високи позиции на ЕП исто така се зголемува. Во овој деветти парламентарен мандат, 8 од 14-те потпретседатели се жени, како и 12 од вкупно 22 претседателски комитети.
Жените и лидерството во ЕУ
За прв пат, Претседателот на Европската комисија (ЕК) ќе биде жена. Поранешниот германски министер за одбрана Урсула фон дер Лејен изјави пред нејзиниот избор во Парламентот дека сака парламент кој е родово балансиран, по што го исполни ветувањето. На 9 септември, таа претстави 12 жени и 14 мажи како кандидати за европски комесари.
Економското донесување одлуки продолжува да биде област во која ЕУ има најниски перформанси за полова еднаквост. Мажите продолжуваат да доминираат во централните власти и министерствата за финансии. ЕП повика на повеќе жени на позиции на високо ниво во економските и монетарните работи. За прв пат, една жена ќе ја предводи Европската централна банка оваа година откако поранешната шефица на Меѓународниот монетарен фонд, Кристин Лагард, беше избрана за замена на сегашниот гувернер, Марио Драги.
Забрането превземање на содржината без претходна согласност од редакцијата на БанкоМетар.мк