Шведската модна компанија H&M започна со тестирање на својата услуга за изнајмување бидејќи модната индустрија е погодена од зголемена критика за отпадот и загадувањето што го произведува во процесот на производство.
Според „Блумберг“ со седиште во Њујорк, потрошувачите можат да изнајмат облека на една недела во вредност од 350 шведски круни (37 УСД) во реновираната главна продавница Сергелс Торг од H&M од минатиот петок.
Шведската компанија, која го следи примерот на конкурентите како „Banana Republic“ и „Urban Outfiters“, кои започнаа слични услуги претходно оваа година за влез на пазарот од 1 милијарда американски долари во 2018 година, најавуваат проширување на овој концепт на други пазари кои се водени од H&M.
Во фазата на тестирање, H&M ја ограничи киријата на колекција од 50 алишта, но не сите клиенти можат да позајмуваат облека затоа што понудата се однесува само на членовите лојални на програмата на компанијата.
H&M ќе ги оцени резултатите од овој пробен деловен концепт за три месеци, пред понатамошно проширување на практиката.
„Ние силно веруваме во успехот во изнајмувањето, но сепак сакаме да ги испитаме реакциите на потрошувачите и да научиме колку што можеме за да направиме подобрувања и промени што се потребни“, рече Даниел Клисон, раководител за развој на бизнисот во H&M.
Индустријата за облека е под зголемена контрола, одговорна за дури 10 проценти од глобалните емисии на стакленички гасови и троши повеќе енергија од авијацијата и испорака заедно, според Обединетите нации.
Забрането превземање на содржината без претходна согласност од редакцијата на БанкоМетар.мк