Летово, Хрватска го надмина бројот на вработени од претпандемиската 2019 за околу шест илјади, но се уште има околу десет илјади повеќе невработени на берзата на трудот отколку во летото 2019 година.
Структурата на невработените не се промени значително, ниту побарувачката, а според огласите на државната берза, работниците на краткорочни сезонки работни места, во угостителството или трговијата се уште бараат најмногу.

Бидејќи почетокот на учебната година наближува, веднаш зад нив е голема побарувачката за различен кадар во образованието, од соработници во настава, преку воспитувачи и наставници и професори од различни профили. Во моментов, има речиси 700 активни огласи, во кои се бараат неколку илјади луѓе кои ќе работат во образовни институции, пренесува Сеебиз.

Побарувачката за овој кадар не изненадува бидејќи неколку илјади договори за вработување на определено време истекуваа на крајот на јуни, по што на берзата се регистрираа 3.500 просветари. Кај индивидуални занимања, обично постои голема побарувачка за медицински сестри, старатели, возачи, бравари и многу други градежни работници.

Денес, градежништвото вработува 15 илјади работници повеќе отколку во 2019 година, а најсилните гранки го вклучуваат ИТ секторот со комуникациитте, во кој се вработени околу шест илјади луѓе повеќе отколку во јули 2019 година. Значајно зголемување на вработеноста е присутно во образованието (околу три илјади повеќе ) и во здравствената и социјалната заштита (4,5 илјади), што зборува за организацијата на работата во овие, претежно државни сектори, кои постојано растат, иако популацијата се намалува, особено младите генерации.

Недостигот на работници на домашниот пазар се пополнува со увоз на работна сила, но акцентот може да се стави на неактивното население (луѓе кои не се во образованиот процес, не работат и не се во пензија), што го надминува бројот на официјално невработени лица.

Аналитичарот на Институтот за јавни финансии Славко Безереди, врз основа на податоците од системот за даноци и социјални надоместоци за Хрватска и Словенија, пресмета дека во 2017 година Хрватска имала 363 илјади невработени или неактивни лица на возраст од 18 до 60 години за жени и 65 за мажи.

Во Словенија ги имаше 84.000. Во научен труд за исплатливост на работата објавен во весник за социјална политика, Безереди пресмета дека Хрватска има голем круг луѓе кои немаат поттик да се вработат бидејќи би изгубиле од една третина до половина од нивната бруто плата на новото работно место поради намалените социјални примања и зголемените даночни обврски.

Оваа партиципативна даночна стапка, односно влијанието на изгубениот приход, во просек е 31 отсто во Хрватска, но во Словенија е 43 проценти. Со бројот на малолетни деца во домаќинствата, потенцијалната загуба исто така се зголемува.

Безереди сугерира дека Хрватска, по примерот на некои земји, треба да дизајнира надомест за вработување во системот на социјална заштита, кој семејствата или поединците ќе го добијат под услов да работат. Меѓу неактивните беа, на пример, 33 илјади луѓе со три или повеќе деца, за разлика од Словенија каде имаше околу пет илјади, пишува Вечерњи лист.