25-годишната традиција на синџирот во Велика Британија има 6% удел од локалниот пазар
Германскиот трговски ланец Лидл, објави дека ги проширува своите операции во Велика Британија и планира да инвестира 15 милијарди фунти (19 милијарди долари) во локалните добавувачи во текот на следните пет години, јави ДПА.
Лидл истакна дека планира да воспостави долгорочни договори за да се обезбеди стабилност на добавувачите и да им даде поддршка и можност што им е потребна за да инвестираат и да растат во своите компании.
Бидејќи нашата деловна активност продолжува да расте, клучно е нашите добавувачи да останат во срцето на нашите планови за раст и затоа сме посветени да инвестираме најмалку 15 милијарди фунти во текот на следните пет години, изјави Рајан Мекдоналд, главен трговски директор на дирекцијата во Велика Британија на Лидл.
Лидл, која работи во Велика Британија веќе 25 години, рече дека има 6% удел на локалниот пазар и „продолжува со своите амбициозни планови за експанзија“, вклучително и цел за отворање 60 нови продавници во земјата оваа година.
Во јуни, компанијата објави дека планира да инвестира околу 500 милиони фунти за отворање нови продавници во Лондон во текот на следните 5 години.
Лидл, сопственост на групата Шварц, вработува 23,000 луѓе во 770 продавници и 13 центри за дистрибуција во Велика Британија.
Забрането превземање на содржината без претходна согласност од редакцијата на БанкоМетар.мк