Милијардерот и претприемач Илон Маск го смени името на својот профил на сопствената онлајн социјална платформа „Икс“ во „Кекиус Максимус“, објави телевизијата NBC.
Новото име на профилот на Маск е по аналогија со името на виртуелните пари (токени) што ги користи истоимената криптовалута Keckius Maximus. Нејзиното име е инспирирано од колаж (мем) во кој ликот од стрипот „Boy`s Club“ – Пепе Жабата, е претставен како легионер од војската на антички Рим. Во рацете не држи меч, туку џојстик за контрола на конзола за игри.
Поради одлуката на Маск, криптовалутата Keckius Maximus се зголеми за 753,7 отсто до 0,12 долари од 15:35 часот.