Државниот завод за статистика го потврди она на кое веќе подолг период се жалат граѓаните – повторен раст на цените. Во ноември, во однос на октомври, трошоците за живот се зголемиле за еден процент. На годишно ниво, пак, инфлацијата е дури 4,3 проценти!
„Зголемувањето на инфлацијата во ноември 2024 година, во однос на октомври 2024 година, е резултат на зголемувањето на трошоците на животот во следните групи: храна и безалкохолни пијалаци за 2,1%, рекреација и култура, алкохолни пијалаци, тутун и наркотици за 1,5%, ресторани и хотели за 0,8%, облека и обувки, здравје за 0,2%, домување, вода, електрика, гас и други горива за 0,1%. Во ноември 2024 година, во однос на октомври 2024 година, намалување на трошоците на животот е забележано во следните групи: транспорт за 0,9%, мебел, покуќнина и одржување на домаќинствата за 0,3%, разновидни стоки и услуги за 0,1%“, извести ДЗС.