Во Франција поради штрајковите на работниците „пресушија“ многу бензински пумпи, што доведе до создавање километарски колони возила.
Според граѓаните на Франција , хаосот трае цели три недели .
– Започна пред околу 20 дена. Доаѓаш до пумпата, нема бензин. И тогаш почна да се случува се почесто. Помалку е страшно на автопатот, каде што сè уште може да се најде. Секогаш е скапо. Колоните на автопатот ќе бидат во должина од два до три километри. Луѓето стојат на лентата за застанување и чекаат да дојде редот, – изјави граѓани за француските медиуми.
Како што јави Франс 24, во петокот наутро се направила колона долга стотици метри на бензинска пумпа во предградието на Париз.
– Чекавме еден час – рече еден возач, чиј автомобил останал без гориво. Не знам што да правиме – додаде тој. Недостигот од гориво ги погодува бензинските пумпи ширум Франција, предизвикувајќи фрустрација и долго чекање кај возачите додека штрајкот на работниците влегува во 12-ти ден. Претседателот Емануел Макрон повика на смиреност.