Твитањето на Маск беше забавно бидејќи неговите објави и активности влијаеа на растот на вредностите на криптовалутите, но кога крипто-валутите станаа црвени и луѓето изгубија пари, Маск престана да им биде забавен.

Инвестирањето во криптовалути е голем ризик. Иако потенцијалната добивка е многу пати поголема од инвестициите во капитални фондови, многумина беа изгорени во последниве години со инвестирање во биткоин, етер и други криптовалути. Различни фактори влијаат на вредноста на ваквите крипто-валути, а еден прилично значаен фактор кој е одговорен за големите подеми и падови во последно време е – Илон Маск.

Крипто-заедницата со голем интерес го следи секој негов потег, односно неговиот пост на Твитер, и кога објави можност за купување на автомобилите на Тесла со биткоин и кога Тесла купи големи количини биткоин или кога го пофали догекоин, многумина беа воодушевени. Имено, ваквите потези доведоа до големо зголемување на вредноста на криптовалутите, што им донесе корист на инвеститорите во биткоин, етер, догекоин и други дигитални валути.

Потоа следуваше ладен туш – Маск најпрво се пошегува со догекоин, а потоа напиша дека Тесла повеќе нема да прифаќа биткоин кога купува автомобил. Причината е лошото влијание на рударството врз животната средина. Вредноста на криптовалутите падна за кратко време, при што многумина го изгубија целиот профит што го стекнаа последните месеци за неколку часа или денови.

Маск, се разбира, не е единствената причина за падот на вредноста, а Си-Ен-Ен потсетува дека на овој веќе нестабилен пазар влијаеле и други фактори, како што е одлуката на кинеската влада, финансиските институции да не учествуваат во трансакции поврзани со крипто-валути. Но, некои луѓе сè уште го гледаат Маск како еден од главните виновници. Луѓето кои слепо го следеа Маск изгубија многу пари. Тие се изгорени и повеќе нема да се вратат, коментира извршниот директор на Целзиус и основач на платформата за продажба на крипто-валути, Алекс Машински.

Сè беше добро како што растеше вредноста, но кога крипто-валутите поцрвенеа, некои само го прогласија Маск за главен виновник за тоа.

Еден од проблемите што инвеститорите го имаат со Маск е што неговите твитови за dogecoin и биткоин влијаат не само на тие криптовалути, туку и на целиот пазар на крипто. Инвеститорите веруваат дека имаат решение за проблемот, а тоа е Маск да престане да твита за криптовалутите. Тие исто така им порачуваат на сите што инвестираат во крипто-валути да не обрнуваат внимание на Маск и неговите твитови. Мислам дека е шега за него, но многу луѓе, за жал, го следат она што тој го вели …