Македонија е на 15-то место по мизерија во светот

Венецуела е најмизерна земја во светот, судејќи по “индексот на мизерија” кој ја мери невработеноста и растот на инфлацијата. Колку е поголема бројката, толку земјата е помизерна. На листата која ја предводи Венецуела Македонија е 15-та најмизерна земја во светот. Од регионот пред нас е само Босна и Херцеговина, а високо на листата, петта, е Турција.

“Индексот на мизерија” кој го смисли авторот Артур Окун, беше многу актуелен за време на мандатот на Џими Картер и Роналд Реган, пишува Економик тајмс.

Индексот на Окун се најде на критика кај оние кои се повикуваа на истражувањето според кое невработеноста влијае на среќата многу повеќе од инфлацијата.