Проценуваме дека 36 отсто од неплатените федерални даноци на доход се должат на првите 1 отсто (од граѓаните) и дека собирањето на целиот неплатен федерален данок на доход од оваа група ќе ги зголеми федералните приходи за околу 175 милијарди долари годишно, признаа истражувачите.

САД брои 735 милијардери, а сите тие заедно сокриле данок вреден 175 милијарди годишно, конечно призна американскат Служба за внатрешни приходи, или по нашки УЈП. Иако, според Оксфам Америка, тие во пандемијата се збогатиле за плус 4,6 трилиони долари, односно богатството им пораснало за 62 отсто, најбогатите одбиваат да ги пријават своите приходи, пишува РТ.

Споредено со просечното американско семејство кое во САД плаќа данок на доход од 14 отсто, 25-те најбогати Американци платиле само 3,4 отсто од 2014 до 2018 година, вели студија на ProPublica. Во меѓувреме војната во Украина предизвика невидена инфлација во Америка. Цените во САД се зголемија многукратно, а платата на обичните работници се зголеми само 10 отсто, иако тоа не е ништо во споредба со поскапувањата.

„Проценуваме дека 36 отсто од неплатените федерални даноци на доход се должат на првите 1 отсто (од граѓаните) и дека собирањето на целиот неплатен федерален данок на доход од оваа група ќе ги зголеми федералните приходи за околу 175 милијарди долари годишно“, признаа истражувачите.

Американското УЈП ги проверува само сиромашните
Наместо да го следи тоа откритие, американското УЈП продолжува да ги проверува главно семејствата со ниски приходи, оние кои заработуваат 25.000 долари или помалку и до пет пати почесто од другите граѓани. УЈП-то признава дека „така ниските стапки на проверка не се оптимални “, но досега одби да го реши проблемот.

Да се воведе „данок за милијардери“
Додека неколку американски политичари предложија планови да се спротивстават на незапирливото „напукнување“ што ги осиромашува Американците од работничката класа, никој не стигна на гласање. Сенаторот Рон Вајден (Д-Орегон) повика на оданочување на нереализираните капитални добивки на милијардерите, систем кој ќе донесе приходи од 56 милијарди долари годишно, доволно за платено боледување, семејно медицинско отсуство и прифатлива грижа за децата, според пресметките на Оксфам.

Пратеникот од сојузната држава Калифорнија, Алекс Ли (Д-Сан Хозе) предложи данок на богатство од 1,5 отсто за домаќинствата во вредност од над 1 милијарда долари. Претходните обиди да се донесе таков закон во Калифорнија, каде живеат некои од најбогатите пратеници во земјата, завршија неуспешно.

Со данокот САД можат да го платат јавното здравство
Во исто време, Оксфам забележува дека ако се воведе минимален данок на мултинационалните корпорации низ светот, тоа би собрало уште 63 милијарди американски долари, за кои организацијата тврди дека би можело да ги финансира критичните потреби на јавното здравје, вклучително и проширување на Medicare и Medicaid.

Иако дури и администрацијата на Бајден ја поддржа таа идеја, за воведување ваков данок таа ќе бара одобрение од сите земји низ светот во кои работат мултинационалните компании. Тоа веројатно ќе оди тешко и бавно.