Дефицитот на надворешната трговија на САД скокна на 63,6 милијарди долари во јули, што е највисок во последните 12 години, поради рекордниот скок на увозот, пренесува АП.
Министерството за трговија на САД објави дека односот на вредноста на увозот и извозот е за 18,9 проценти поголем во јули отколку во јуни, кога дефицитот во надворешната трговија изнесуваше 53,5 милијарди долари.
Ова е најголемиот месечен дефицит од јули 2008 година, за време на економската криза.
Јулискиот дефицит е последица на рекордниот пораст на увозот од 10,9 проценти, на 231,7 милијарди долари, додека извозот, иако зголемен, изнесува 168,1 милијарди долари.
Во претседателската кампања во 2016 година, претседателот Доналд Трамп постави една од целите да го намали дефицитот во надворешната трговија, пред се со Кина, која годинава има голем трговски суфицит со САД. Сепак, таа остана висока, во јули изнесуваше 31,6 милијарди долари или 11,5 проценти повеќе отколку во јуни.
Вишокот во услужните индустрии, како што се банкарството и осигурувањето, падна на 17,4 милијарди долари во САД, најнизок од август 2012 година, најмногу поради намалувањето на воздушниот сообраќај како резултат на пандемијата на корона вирусот.
Забрането превземање на содржината без претходно одобрение од редакцијата на БанкоМетар.мк