Најстарата банка во Шведска, Сведбанк, која е под истрага на Шведско-Естонската комисија за скандалот за перење пари од 135 милијарди американски долари преку Балтичко Море, исто така се соочува со потенцијални казни за кршење на санкциите на САД врз Русија.
Со повеќе од 500 трансакции вредни 4,8 милиони американски долари поврзани со платите и работењето на еден брод на Крим, кои работат преку филијали во Естонија, Литванија и Латвија од 2014 година оваа банка учествувала во овој скандал.
Во друга скандинавска банка, Данске банка, чиј случај за перење пари избувна пред скандалот во Сведбанк (истрага вредна дури 200 милијарди американски долари во потенцијално сомнителни трансакции од Русија и други земји што се појавија по распадот на СССР), засега нема индиции за кршење на санкциите на САД.
Јенс Хенриксон, главен извршен директор на Сведбанк, кој ја презеде функцијата во есента 2019 година за стабилизирање на банката, досега покрена 152 иницијативи за подобрување на политиките насочени кон перење пари и борба против финансискиот криминал.
Тој вели дека е утеха што е откриена релативно мала сума за кршење на санкциите на САД.
Акциите на оваа најголемата банка на Балтикот паднаа за третина откако избувна скандалот. Шведскиот регулатор треба да поднесе извештај за контролата на перењето банки следната недела. Како што е напишано, перењето пари на руските олигарси и криминалци преку овие две банки – траеше повеќе од десет години.
Сведбанк ангажирал адвокатска фирма во својата истрага против перење пари, а банката ќе достави извештај до специјалното одделение во Министерството за финансии на САД за трансакциите што веројатно може да ги нарушат американските санкции кон Русија.
Забрането превземање на содржината без претходно одобрение од редакцијата на БанкоМетар.мк