Цените на нафтата во понеделникот достигнаа уште една пресвртница, минувајќи ја границата од 85 долари за барел за прв пат по седум години.
Американската нафта скокна за уште 1,2 отсто на 85,07 долари за барел. Тоа е прва интрадневна трговија над 85 долари од октомври 2014 година.
Растот се интензивираше во последните недели како што се појави глобалната енергетска криза, обележана со зголемените цени на природниот гас, јагленот и суровата нафта.
Нафтата само овој месец поскапе за 13 отсто, а досега поскапе за 120 отсто во однос на претходната година. Зголемувањето на нафтата ги засилува инфлаторните притисоци и ги зголемува трошоците за живот.
Галон бензин е 3,38 долари во САД, во споредба со 3,32 долари пред седум дена. Пред една година, кога возеа помалку луѓе, просечната цена на бензинот беше 2,16 долари за галон.
Суровата нафта „брент“, глобалниот репер, во понеделникот порасна за 1 отсто, достигнувајќи највисоко ниво во текот на денот од 86,51 долар за барел, што е ново тригодишно максимум.