Сѐ повеќе се разгледува можноста вештачката интелигенција да ги преземе лидерски улоги поради нејзината способност за брза обработка на податоци и доследно носење одлуки. Но, и покрај технолошките предности, AI се соочува со сериозни предизвици. Недостатокот на транспарентност, како и неспособноста за емпатија и етичко расудување, ја прават недоволно соодветна за улоги што бараат човечка чувствителност и одговорност.
Зошто луѓето се уште „подобрите“ лидери?
Иако AI може значително да го подобри процесот на донесување одлуки и да понуди анализа базирана на податоци, луѓето и натаму се сметаат за посоодветни лидери. Причината лежи во нивната способност за социјално разбирање, интуиција и носење одлуки кои ги земаат предвид човечките вредности и последици.
Со оглед на тоа, и покрај потенцијалот на AI во управувачките процеси, довербата во човечкото лидерство останува доминантна. Во блиска иднина, се очекува AI да има поддржувачка, а не водечка улога во лидерските структури.